Pílagrímsferð á næsta leiti

Í mars munum við Erin fara í bahá'í pílagrímsferð til Haifa í Ísrael. Við hlökkum auðvitað mjög til en þetta verður í fyrsta skipti sem Erin kemur til Ísrael. Ég hef tvisvar áður farið í pílagrímsferð. Með mömmu og pabba sem barn (8 ára), meðan ég þjónaði þar (1996-7). Einnig kom ég þangað á opnun stallanna árið 2001.

Erin, sem er að læra ferðmálafræði í MK, þurfti að skrifa ritgerð um einhvern áhugaverðan stað erlendis. Hún velti því fyrir sér hvort hún gæti skrifað um Haifa og Akká í Ísrael. Kennaranum leist vel á það, enda er trú ein ástæða fyrir ferðalögum og því áhugavert ritgerðarefni.

Með leyfi Erinar birti ég ritgerðina hér.

Skrár tengdar þessari bloggfærslu:

• Ritgerð Erinar í Ferðalandafræði útlanda

Athugasemdir

[Róbert Badí Baldursson, 18.2.2008 kl. 08:22]

Það hefur staðið leeeengi til! En ég hef bara ekki komist í það

[Gréta (IP-tala skráð) 18.2.2008 kl. 14:36]

Sæll Badí og til hamingju með fjölskylduna  Góða ferð til Ísrael, skemmtileg tilviljun að síðast þegar ég vissi af þér varstu líka á leiðinni þangað ('96), en þá vorum við að æfa karate saman á Skaganum

[Róbert Badí Baldursson, 18.2.2008 kl. 15:16]

Vá! Sjaldséðir hvítir hrafnar og allt það ... Gaman að heyra frá þér Gréta! Ég er ekki frá því að ég hafi séð Svanhvíti Jónu í sundi um daginn. Minnti mig á gamla karatefélaga. Ertu nokkuð með blogg sjálf?

[Gréta (IP-tala skráð) 19.2.2008 kl. 09:36]

Hehe, jú reyndar, bara ekkert voðalega mikið að gerast á því þessa dagana. Verður meira um fréttir þegar fram líða stundir og ég fer að æfa fyrir maraþon Glitnis og svona.

[Hrafnhildur Ýr Vilbertsdóttir, 26.2.2008 kl. 16:41]

Til hamingju með væntanlega ferð....og njótið og upplifið í botn.

[Róbert Badí Baldursson, 27.2.2008 kl. 21:26]

Takk fyrir það, Krumma!  Var að vonast eftir að hitta þig í eigin persónu síðasta laugardagskvöld. Mér finnst sérlega gaman að lesa bloggið þitt og finnst mér ég hafa kynnst þér ágætlega þótt ég muni ekki eftir að hafa hitt þig áður