Karlakór Kópavogs?

Í gærkvöldi var nítjándagahátíð haldin á heimili eins af bahá'íunum í Kópavogi. Eftir bænastund tók annar hluti hátíðarinnar við þar sem við ræddum málefni trúarinnar í Kópavogi. Eftir ágætar umræður nefndi einn maður að hann hygðist byrja í Karlakór Kópavogs næsta fimmtudagskvöld.

Mér þótti þetta frábær hugmynd og sagði honum og viðstöddum að ég þekkti nokkra sem hefðu byrjað í kór og gætu nú varla hætt. Það væri svo gaman að vera í kór, að upplifa það að vera hluti af stóru hljóðfæri, sem kórinn er í raun.

Þá var mér bent á að ég hefði nú örugglega gaman að því að vera í kór sjálfur. Ég gat nú ekki neitað því, enda með 12 ára tónlistarnám að baki. Það endaði loks með því að ég ákvað að fara með félaga mínum á fyrstu æfinguna næsta fimmtudagskvöld!

Ég verð að segja að ég er bara nokkuð spenntur!

Hér er svo vefur kórsins:

www.karlakor.com

 

Athugasemdir

[Mama G, 8.9.2009 kl. 12:36]

Það er geðveikt gaman að vera í kór, ég var einu sinni í kór en panikaði þegar kórstjórinn vildi að ég færi að syngja einsöng í kórnum og mætti ekki meir eftir það

Góða skemmtun í kórastarfinu.

[Róbert Badí Baldursson, 8.9.2009 kl. 12:48]

Hahaha! Fyndið! Vona að kórstjórinn okkar fái engar slíkar hugmyndir!