Krafinn um að gera grein fyrir eigin glæpum

Alþjóðlega bahá'í samfélagið, ásamt tveimur öðrum mannréttindasamtökum, hefur gefið út sameiginlega fréttatilkynningu þar skorað er á Mahmoud Ahmedinejad að bregðast við alvarlegri mismunun og mannréttindabrotum gegn eigin þegnum í heimalandi sínu er hann flytur ræðu sína á Durban II ráðstefnunni. Það ætti að vera hans fyrsta verk er hann kemur til síns heima að lokinni ráðstefnunni.

Í fréttatilkynningunni er bent á alvarleg mannréttindabrot gegn þjóðernisminnihlutahópum á borð við Kúrda og Araba, konur og trúarminnihluta á borð við Bahá'í samfélagið. Einnig er sérstaklega bent á sérlega rætinn hatursáróður í ríkisreknum fjölmiðlum gagnvart bahá'íum.

Lesa má fréttatilkynninguna hér (PDF).

Frétt Alþjóðlega bahá'í samfélagsins.

Ahmadinejad: Glæpir í skjóli öryggisráðsins

Athugasemdir

[Páll Jónsson, 20.4.2009 kl. 16:41]

Athyglisvert. Ég bíð spenntur eftir að Zíonistasamsæriskenningahópurinn hér á blogginu standi upp til stuðnings sínum manni og fordæmi "helförina" í Ísrael, hingað til virðist bara tiltölulega skynsamt fólk vera að tjá sig.

[Guðmundur St Ragnarsson, 21.4.2009 kl. 01:48]

Góð grein Róbert og til sóma fyrir Baháí samfélagið. Því miður er Samfylkingin og vinstri menn ekki á sömu skoðun. Einu illvirkjar heimsins eru í Ísraelsmenn að þeirra mati.

[Skúli Skúlason (IP-tala skráð) 21.4.2009 kl. 15:52]

Íslamska Klerkaveldið í Íran  hefur gerst sekt  um  stórkostlega  glæpi eftir að þeir komust  til  valda.  Meðal  annars  stórkostleg  dráp á  vinstri  sinnum sem  studdu þá til  valda fyrir  byltinguna.

Kerfisbundnar  ofsóknir  gegn minnihlutahópum,  dráp á  fólki  sem  fremur það  sem þeir kalla  ,,hórdóm"  eða  drykkjuskap  á almannafæri,  hýðingar  ótæpilegar   og  annan óþverraskap  eftir  forskriftum úr Kóraninum og fordæmi  úr lífi og  starfi Múhameðs.

[Róbert Badí Baldursson, 21.4.2009 kl. 16:07]

eh ... mistúlkunum á Kóraninum og mistúlkunum og vafasömum arfsögnum um líf og starf Múhameðs myndi ég fremur segja.

[Skúli Skúlason (IP-tala skráð) 21.4.2009 kl. 20:43]

Róbert Badi,

Það  eru  nákvæm  fyrirmæli  fyrir þessu öllu   í Kóraninum.

Þessir menn eru  ekki  að  mistúlka neitt, þeir  fara eftir bókstaf Kóransins.

Prófaðu  að lesa   8. og 9. kafla Kóransins.

[Páll Jónsson, 21.4.2009 kl. 22:40]

Skúli: Það eru nú nákvæm fyrirmæli fyrir ýmsum óhróðri í biblíunni, Kristlingar setja ekki fyrir sig að kalla þann boðskap góðan.

[Skúli Skúlason (IP-tala skráð) 22.4.2009 kl. 17:42]

Páll,

Það  réttlætir  ekkert  hvað  stendur í  Kóraninum  þó  eitthvað  svipað  standi  í Gamla Testamentinu.

Ef  eitthvað álíka  stendur í GT.  þá  dettur engum heilvita manni  í hug  að  fara eftir því.

[Páll Jónsson, 23.4.2009 kl. 00:09]

Tja... jú, gríðarlegum fjölda dettur í hug að fylgja GT, og þá er ég ekki bara að tala um Ameríkana (sem eru nógu andskoti margir). Afríka er ágætis dæmi. Menn eru enn að elta "nornir" og særa burt "djöfla" í nýkristnuðum samfélögum í Afríku.

Og svo er vitanlega meirihluti múslima ekkert ofbeldisfyllri en þú og ég, bara íhaldssamari.

Gallup gerði massíva könnun á þessu um daginn, kom í ljós að meðalmúslimi er vissulega nokkuð íhaldssamur (þó mikill fjöldi sé það auðvitað ekki), en skoðanir þeirra voru nokkurnveginn á pari við skoðanir íhaldssamra kristlinga í Ameríku.

En ef kristnir menn geta valið og hafnað hlutum úr Biblíunni þá geta múslimar það líka.. enda gera það margir.

[. (IP-tala skráð) 23.4.2009 kl. 17:26]

Fín færsla. Takk fyrir þetta.

Jakob